አዳማ —
ተቓወምቲ ወገናት ደቡብ ሱዳን ኣቐዲሙ ንዝተገብረ ስምምዕ ንምትግባር ዘኽእል ሓደስቲ ምምዕርራያት ተጌይሩ፡ ካልኦት ዘድልዩ ነገራት ብምውዳድ መንግስቲን ተቓወምቲን ሎሚ ንዝተመሓየሸ ስምምዕ ዕርቂ ፈሪሞም ክብሉ ሚንስተር ወጻኢ ጉዳያት ኢትዮጵያ ዶ/ር ወርቅነህ ገበየሁ ገሊጾም።
ንሶም ብተወሳኺ ትማሊ ኣብ ዶብ ኤርትራን ኢትዮጵያን ዝተራእየ ምዕባለ ነቲ ዞባ ዓብይ ዜና’ዩ ኢሎም።
ሚንስተር ጉዳያት ወጻኢ ኢትዮጵያ ዶ/ር ወርቅነህ ገበየሁ ንድምጺ ኣሜሪካ ኣብ ዝሃብዎ ቃል “ ሎሚ ድሕሪ ነዊሕ ጊዜ እዚ ጉዳይ መዓልቦ ረኺቡ። እቲ ስምምዕ ሰላም እንደገና ንምትግባር ሓደስቲ ምትዕርራያት ተጌይሩ ሓደስቲ ምውዳድን መንግስታዊ ቅርጺን ካልኦት ዘድልዩ ነገራት ብምድላው መንግስቲን ተቓወምቲን ነቲ ስምምዕ ፈሪሞም” ኢሎም።
