መበል 40 ጉባኤ ኣፈጸምቲ ሕብረት ኣፍሪቃ ተጀሚሩ

መበል 40 ጉባኤ ኣፈጸምቲ ሕብረት ኣፍሪቃ ሎሚ ረቡዕ ኣብ ኣዲስ ኣበባ ተጀሚሩ።

ኣብቲ ሚንስተራት ጉዳያት ወጻኢ ሃገራት ኣፍሪቃ ዝሳተፍዎ ዘለዉ ጉባኤ፡ ኣቦ- መንበር`ቲ ሕብረት ሙሳ ፋቂ፡ ብዛዕባ ጸቕጢ ኮሮናቫይረስ፡ ብዛዕባ ኣጀንዳታት ኣፍሪቃን ካልእን መብርሂ ሂቡ`ሎ።

ሙሳ ፋቂ ብዛዕባ ዝርኣይ ዘሎ ዝበሎ ናይ ጸጥታ ጸገም ፍሉይ ጠመተ ከምዘድልዮ`ውን ተዛሪቡ`ሎ።

ኣተሓሒዙ፡ ብፍላይ ብመዳይ ጸጥታ ነታ ኣህጉር ዝሕምሱ ዘለዉ ዕልዋታት መንግስትን ውሽጣዊ ግጭታትን ንትካላዊ ምስሊ ኣፍሪቃ ምድዋኑ ብምግላጽ፡ ኣብቲ ጉባኢ ትርር ዝበለ ረቂቕ ውሳነ ከምዝቐርብ`ውን ወግዓዊ ጌሩ`ሎ።

እቲ መበል 40 ጉባኤ ኣፈጸምቲ ኣፍሪቃ፡ ጽባሕ ሓሙስ`ውን ኣብ ዕጹው ማዕጾ ኣኼብኡ ክምዝቕጽል እቲ ወጺኡ ዘሎ መደብ የመልክት።