ሕ/ሃ ምብራር ኢትዮጵያዊያን ስደተኛታት ካብ ስዑዲ ዓረብ ንስግኣት ምስፍሕፋሕ ቫይረስ ኮሮና ዘጋድድ'ዩ ክብል ኣጠንቂቑ

ስዑዲ ዓረብ ንኢትዮጵያዊያን ዘይሕጋዊያን ሰራሕተኛታት ምብራራ ንስግኣት ምስፍሕፋሕ ቫይረስ ኮሮና ኣብ ኢትዮጵያ ዘጋድድ ብምኳኑ ንግዚኡ ጠጠው ክተብሎ ሕቡራት ሃገራት ሓቲቱ።

ስዑዲ ዓረብ ዛጊት ን 2,870 ኢትዮጵያዊያን ስደተኛታት ኣባሪራ ኣላ።ሰበስልጣን ኢትዮጵያ ሰፊሕ ምብራር ይፍፀም ከምዘሎ ኣረጋጊፆም ኣለው።

ሮይተርስ ዝርኣዮ ናይ ሕቡራት ሃገራት ናይ ውሽጢ ፅሑፍ ስዑዲ ዓረብ ንኣስታት 200,000 ኢትዮጵያዊያን ክተባርር ትፅቢት ይግበር። ካልኦት ሃገራት ወሽመጥ ኬንያን ካልኦት ጎረባብቲ ሃገራት’ውን ኣብ ልዕሊ ኢትዮጵያዊያን ስደተኛታት ተመሳሳሊ ስጉምቲ ከምዝወስዳ እቲ ጽሑፍ ይሕብር።

ኣስታት 30 ሚሊዮን ህዝቢ ዘለዋ ስዑዲ ዓረብ ዛጊድ ልዕሊ 5,000 በቲ ቫይረስ ዝተለኸፉ ዝሞቱ ድማ ልዕሊ 70 መዝጊባ ኣላ።