ሕብረት ኣውሮጳ ኣብ ልዕሊ ሩስያ ማዕቀብ ንምንባር ይዳለው

ዋግነር ዝብሃል ናይ ሩስያ ወተሃደራዊ ተቛራጺ፡ ኣብ ዝተፈላለዩ ግጭታት ጸገም ይፈጥር ኣሎ ብምባል ሕብረት ኤውሮጳ ንዝመጽእ ሰኑይ ኣብ ልዕሊ ሩስያ ማዕቀብ ክገብር ይዳሎ`ሎ።

ሚንስተራት ጉዳያት ወጻኢ ሕብረት ኤውሮጳ ዝመጽእ ሰሙን ኣብ ብራስልስ ተራኺቦም ኣብ ልዕሊ ዝተወሰኑ ትካላትን ውልቀሰባትን ዲፕሎማትን ሩስያ ማዕቀብ መገሻን ምድስካል ንብረትን ከጽድቑ ይዳለዉ`ለዉ።

ሕብረት ኤውሮጳ ወተሃደራዊ ተቛራጺ ትካል ሩስያ ዋግነር፡ ኣብ ሃገራት ኣፍሪቃ፡ ዩክሬንን ሶርያን ናይ ዘይምርግጋእ ሳዕቤን ኮይኑ`ሎ ይብል ።

መንግስቲ ሩስያ ግን ምስ ትካል ዋግነር ዝኾነ ምትእስሳር የብለይን ክብል ነቲ ክሲ ነጺግዎ`ሎ።