ክርከብ ዝኽእል መራኸቢታት

ሓለውቲ ዶብ ኤርትራ፡ ካብ ኢትዮጵያ ንዝመጹ ንምሕላፍ “ናይ ፈደራል ወረቐት” ከምዝሓቱ ነበርቲ ዛላምበሳ ንቪኦኤ ሓቢሮም


ድምጺ ኣሜሪካ ዘዘራረቦም ክልተ ነበርቲ ዛላምበሳ፡ እቶም ኤርትራውያን ሓለውቲ፡ ናይ ፈደራል ወረቐት ከምዝሓቱን፡ እዚ ሕቶ`ዚ ሓዲሽ ሕቶ ስለዝኾነ፡ ናይ ፈደራል ወረቐት እንታይ ማለት`ዩ ዝብል ሕቶ ምስ ኣቕረብናሎም ግን ተወሳኺ መምርሒ ኣይረኸብናንን ኢሎም ከምዝመለሽሎም ይገልጹ።

ንኤርትራውያን`ውን ክሳብ ኢትዮጵያ ዘብጽሕ ወረቐት ፍቓድ ከምዝሓትዎም ዝገለጹ`ቶም ነበርቲ፡ ንምልውዋጥ ዕዳጋ ብዝምልከት ግን ንመካይን ይከልከል`ምበር ሕጂ`ውን ኣብ ሓውሲ-ከተማ-ሰርሓ ብካሮሳን ወይ ዓረብያን ካልእ ብሰብ ዝድፋእን ኣገባብ ተጠቒምካ እቲ ናይ እቑሑት ናይ ንግዲ ርክብ ከምዝቐጸለ ይገልጹ’

እዚ ከምዚ ኢሉ እንከሎ፡ ብሸነኽ ራማ-ክሳድ ዒቃ `ውን ሎሚ ተመሳሳሊ ናይ ዶብ ምዕጻው ስጉምቲ ተወሲዱ ከምዘሎ ምንጭታት ካብ`ቲ ቦታን ካብ መቐለን ይሕብሩ`ለዉ።

XS
SM
MD
LG