መቐለ —
ህዝባዊ ወያነ ሓርነት ትግራይ (ህወሓት) ንዝመጽእ ቀዳምን ሰንበትን ህፁፅ ውድባዊ ጉባኤ ከካይድ እዩ::
እቲ ጉባኤ "ጉባኤን ፅንዓትን መኸተን" ብዝብል መሪሕ ሓሳብ እዩ ከምዝካየድ ተፈሊጡ’ሎ:: ኣብዚ ዝተፀወዐ ህፁፅ ውድባዊ ጉባኤ ህወሓት ኣብ ጉዳይ ውህደት ብልጽግና ፓርቲ ናይ መወዳእታ ውሳነ ከሕልፍ ትፅቢት ይግበረሉ::
እዚ ጉባኤ ህዝባዊ ወያነ ሓርነት ትግራይ (ህወሓት) ኣብ ታሪኹ እዩ ፈላማይ ህፁፅ ጉባኤ እዩ:: ኣብቲ ጉባኤ 1066 ጉባኤተኛታት ክሳተፉ ትፅቢት ይግበር:: ኣብ ዝሓለፈ ቀዳምን ሰንበትን ኣብ ከተማ መቐለ ኣብ ዝተኻየደ ህዝባዊ ኮንፈረንስ ናብ ሓዱሽ ውድብ ብልፅግና ንዘይምእታው ብኮሚቴ ፈፃሚ ስራሕን ማእከላይ ኮሚቴ ህወሓትን ንዝተመሓለለፈ ውሳነ ተሳተፍቲ ከምዝድግፍዎ ምግላጾም ይዝከር።
