ዋሽንግተን —
The Weeknd ተባሂሉ ዝፍለጥ ህቡብ ኢትዮጵያዊ ካናዳዊ ደራፋይ ኣቤል ተስፋዬ ነቶም ኣብ ኢትዮጵያ ብዝተፈጥረ ግጭት ዝተጎድኡ ንምሕጋዝ ናይ ሓደ ሚልየን ዶላር ሓገዝ ኣወፍዩ። እቲ ሓገዝ ብመንገዲ ፕሮግራም መግቢ ዓለም ከምዘወፈዮ`ውን ኣብ ትዊተሩ ገሊጹ`ሎ። ኣርቲስት ኣቤል ተስፋዬ ብዝቕተሉ ዘለዉ ንጹሃን ሰለማውያን ሰባትን ህጻናትን ከምኡ`ውን ብዝፈናቐሉን ዝዓኑ ዘሎን ልበይ ተሰይሩ ብምባል ኣነ ንክልተ ሚልየን ሰባት መግቢ ንምብጻሕ ሓደ ሚልየን ዶላር የወፊ ኣለኹ- ካልኦት ዝኸኣልኩም`ውን ክትሕግዙ እጽውዕ ብምባል ኣብ ትዊተር ሓቢሩ'ሎ።
The Weeknd ኣብ ዝሓለፈ ናይ ኣመሪካ ጸወታ ሱፐር ቦውል ቀንዲ ዕዱም ብምዃን ምርኢት ምርኣዩ ታሪኻዊ ይገብሮ::
