ዋሽንግተን —
ተሓላቒ መሰላት ሁማን ራይትስ ዋች፡ ሓይልታት ኤርትራ ኣብ ታሪኻዊት ከተማ ኣክሱም ክሳብ 13 ዓመት ዕድመ ዝርከቡ ቆልዑ ኸይተረፈ ዝርከብዎም ብዙሓት ሲቪላት ጨፍጪፎም ኢሉ።
ሁማን ራይትስ ዋች እቲ ጭፍጨፋ ዝተፈጸመ፡ ምልሻ ትግራይን ነበርቲ`ታ ከተማን ነቶም ሓይልታት ኤርትራ ድሕሪ ምጥቕዖም`ዩ ይብል ።
መንግስቲ ኢትዮጵያ ንሓቅነት ግህሰት ኣክሱም ባዕለይ ከጻርዮ`የ ንገበነኛታት ድማ ናብ ፍትሒ ከቕርብ`የ ክብል ከሎ፡ መንግስቲ ኤርትራ ድማ፡ ኣብ ጭፍጨፋ ማይካድራ ተሳቲፎም ናብ መዓስከር ስደተኛታት ዝሃደሙ ኣባላት ህወሃት ሓቀኛ ምስክራት ክኾኑ ኣይክእሉን ዝብል መልእኽቲ ዝሓዘ ምላሽ ብሚንስተር ዜናኡ ጌሩ ሂቡ`ሎ።
