ዋሽንግተን —
ፈንቅል ምንቅስቓስ መንእሰያት ትግራይ፥ ኣብ ግዜ ህወሓት ብዝነበረ ዘይምዕሩይ ናይ ፈደራሊዝም ኣሰራርሓ ኣብ ልዕሊ ህዝቢ ትግራይ ንዝተፈጥረ ኣረኣእያ ኣብ ግምት ብምእታው፥ ንህዝቢ ትግራይ ዝውክል ሓቀኛ ሰነ-ሓሳብን ክብርን ፥ ነቲ ካልእ ክፋል ህዝቢ ኢትዮጵያ ኣብ ምርዳእ ይሰርሕ ኣለኹ ይብል።
ኣብ ክልል ትግራይ ብህዝባዊ እምቢተኝነት ቃልሲ ከካይድ`የ ዝብል ፈንቅል ትግራይ፥ ልዕሊ ሓደ ሚልየን ተጋሩ ካብ ክልል ትግራይ ወጻኢ ኣብ ኣዲስ ኣበባን ካልእ ከባብታት ኢትዮጵያን ከም ዘለዉ መረዳእታ ኣለኒ ይብል።
ምስ ኣቦ-መንበር ፈንቅል መምህር የማነ ንጉሰን ምኽትሉ ሚኪ ተስፋይን ዝተኻየደ ካልኣይን መወዳእታን ክፋል ኣብዚ ምስማዕ ይክኣል።
