ክርከብ ዝኽእል መራኸቢታት

ደርቂን ሕፅረት መግቢን ኣብ ኢትዮጵያ

ሰኑይ 27 መጋቢት 2017

Calendar

ኣብ ኢትዮጵያ ብሰንኪ ዝተኸሰተ ድርቂ በዝሒ ህፁፅ ረድኤት ምግቢ ዘድልዮም ብዝተወሰነ ምንካዩን ሕዚ እውን እንተኾነ ግን ልዕሊ 612 ሚሊዮን ዶላር ሓገዝ ትፅቢት ከምዝግበርን መንግስትን መሻርኽቱን ኣፍሊጦም።

ናይ በልጊ ዝናብ ኣብ ግምት ብምእታው ከም ብሓድሽ ዝተዳለወ ሰነድ ሰብኣዊ ረድኤት ሎማዕንቲ ዓርቢ ዕላዊ ኮይኑ’ሎ።

ኣብ ዝሓለፈ ዓመት ናይ በልጊን ክረምትን ዝናብ ብምጥፍኡን ብሰንኪ ክስተት ኤልኒኞን ሚሊዮናት ሰባት ተፀበይቲ ረድኤ ኮይኖም እዮም።ዝሓለፈ ለካቲት ብዝጀመረ ናይ በልጊ ዝናብ ምኽንያት 10.2 ሚሊዮን ዝነበረ በዝሒ ተሓገዛይ ናብ 9.7 ሚሊዮን ነኪዩ’ሎ።

ነቲ ከም ብሓድሽ ዝወፀ ሰነድ ብዝምልከት መግለፂ ዘውፅአ ናይ ሕቡራት መንግስታት ኣዋሃዲ ሰብኣዊ ረድኤት/ኦቻ/ ምንቅስቓስ ረድኤ ክሳብ ዝቕፅል ታሕሳስ ተጠናኺሩ ክቕፅል እዩ ኢሉ።ክሳብ ሎሚ ልዕሊ ሓደ ቢሊዮን ዶላር ከምዝተረኸበን ልዕሊ 612 ሚሊዮን ዶላር ገና ትፅቢት ከምዝግበርን ሓቢሩ’ሎ ይብል ፀብፃብ እስክንድር ፍሬው።

ብኻሊእ ዜና ዓለምለኸ ምትሕብባር ንመሰል ኢትዮጵያዊያን ዝተብሃለ ሰብኣዊ ትካላን ዎርልድ ቪዥን ዩናይትድ ስቴትስን ኣብ ኢትዮጵያ ብድርቂ ንዝተጠቕዑ ዝውዕል ፋይናንሳዊ ሓገዝ ብዝምልከት ናይ መረዳድኢ ስምምዕ ፈሪሞም።

ዓለምለኸ ምትሕብባር ንመሰል ኢትዮጵያዊያን ካብ ኢትዮጵያዊያን ዳያስፖራ ተወሳኺ 70 ሽሕ ዶላ ከምዝኣከበ ኣብዝለኣኾ መግለፂ ሓቢሩ።

ቦርቲ ሃዋስ ምስ ኣብ ሆስፒታል ዝርኸብ ወዲ ሰለስተ ዓመት ወዳ

ቦርቲ ሃዋስ ምስ ኣብ ሆስፒታል ዝርኸብ ወዲ ሰለስተ ዓመት ወዳ

ኣብ ኢትዮጵያ ብዘጋጠመ ደርቂ: ህጻናት ንሕጽረት መግቢ፡ ንሕማምን ንትምህርቲ ምቁራጽን ይቃልዑ’ለው።

ኣብ ኢትዮጵያ ብዘጋጠመ ደርቂ ልዕሊ 10 ሚሊዮን ሰባት ህጹጽ ናይ መግቢ ሓገዝ የድልዮም። ቀንዲ ግዳያት ነቲ ሓደጋ ዝተቓልዑን ድማ ህጻናት’ዮም።

ሓንቲ ምስ ወዲ ሰለስተ ዓመት ወዳ ኣብ ሆስፒታል ትርከብ ኣደ ከምዚ ትብል።

‘ወደይ ዝሓመመሉ ምክንያት መግቢ ስለዘይረኸበ’ዩ።’

ብተወሳኺ ብዙሓት ከብቲ በቲ ዘጋጠመ ደርቂ ድሕሪ ሙሟተን እቶም ቆልዑ ንስድራ ቤቶም ንኽሕግዙ ክብሉ ናብ ቤት- ትምህርቲ ምኻድ`ውን ኣቋሪጾም`ዮም።

መንግስቲ ብፍላይ ነቶም ብሓደጋ ጥምየት፡ ሕማምን ስእነት ጽሩይ ዝስተ ማይ ንዝተጠቕዑ 6 ሚሊዮን ህጻናት ንምሕጋዝ ምስ ትካላት ሰብኣዊ ጉዳያት ብምትሕብባር መግቢ በቲ ሓደጋ ንዝተጠቕዑ ወገናት ኣብ ምሃብ ይሰርሕ ኣሎ።

ሳሚኤል ተፈራ ካብ ዘይመንግስታዊ ትካል ሓገዝ ንህጻናት (Child Fund) ከምዚ ይብል።

‘ብሰንኪ ሕጽረት ዝተመጣጠነ መግብን ጥምየትን ትሑት ምምዕባል ሓንጎል ኣብቶም ህጻናት ከስዕብ ይኽእል’ዩ። እዚ ድማ ነቲ ናይ ኣተሓሳስባ ምዕባለ’ውን ዘዛሕትል’ዩ። ብተወሳኺ ከም ውጽኣት ዝኣመሰሉ ሕማማት’ውን ይረኣይ’ሎ።’

ክሳብ ሕጂ ልዕሊ 800 ሚሊዮን ዶላር ናይ ህጹጽ እዋን ሓገዝ ከምዝተረኽበ እንተኾነ መንግስቲን ትካላት ሕ/ሃ ግን ኣብዚ ዓመት ጥራይ ኣስታት 1.4 ሚሊዮን ዶላር ከምዘድልይ ይገልጹ። መብዛሕትኡ ካብዚ ዝተረኽበ ገንዘብ ኣብ ምዕዳል መግቢ ዝውዕል’ዩ።

ብዝወሃብ ሓገዝ ጥራይ’ያ እዛ ኣደ ሽዱሽተ ቆልዑ ደቃ ክትምግብ ትኽእል።

ሓንቲ ካብተን ሓገዝ ዝረኸባ ካብ ከባቢ ክልል ኦሮሞ ከምዚ ትብል።

‘ብሰንኪ’ቲ ደርቂ ብዘይ’ቲ ካብ መንግስቲ ንረኽቦ ሓገዝ ዋላሓደ ነገር የብልናን። ንደቅና ንህቦም መግቢ የብልናን። ዝስተ ማይ’ውን የብልናን።’

ኣብ ኢትዮጵያን ኣብ ምብራቅን ደቡባዊ ኣፍሪቃ ብሰንኪ ዘጋጠመ ኩነታት ለውጢ ኣየር ኤል-ኒኖ፡ ክሳብ ዓመተ 2017 ሓገዝ መግቢ ከምዘድልይ ይግለጽ’ሎ።

ምሉእ ትሕዝቶ ኣብዚ ምስማዕ ይክኣል።

ተወሳኺ ጽዓን

XS
SM
MD
LG