ዋሽንግተን ዲሲ —
ፕረዚደንት ዩዌሪ ሙሰቨኒ፣ንዓመታ ፕረዚደንታዊ ምርጫ ቅድሚ ምክያዱ፣ ኣንፃር ተቃወምቲ ህውከት የላዕሉ ኣለው ኢሎም ከሲሶም መራሕቲ ተቃውሞ ኪዛ ቢስጅየ።
ንሶም ነዚ ክሲ’ዚ ዘቃልሑ፣ ካብ ካምፓላ 400 ኪ/ሜ ርሒቃ ናብ ዘላ ክፍለ-ሃገር ከይዶም ኣብ ሰልፊ መድረክ ዲሞክራሲያዊ ለውጢ ንምስታፍ ኣብ ዝተበገስሉ እዋን፣ፖሊስ ስለዝተተናኾሎም’ዮም።
ፖሊስ ግና ንመምርሒ ሃገራዊ ኮምሽን መረፃ ኢና ንትግብር ዘለና። ሚስተር ቢስጅየ፣ገና ናይ ፓርቲኦም ውክልና’ውን ኣይረኸቡን ዘለው ይብል።
ዶ/ር በስጅየ ግና፣ ህዝባዊ ሰልፊ ንዘይምክያድ ዝእግድ ሕጊ ኣብ ኡጋንዳ የለን ኢሎም።
እዚ ከምዚ'ሉ ከሎ፣ ኣብ ልዕሊ ዶ/ር ብስጂየን ብፆቱን ዝተፈፀመ ጨካነ ዝበልዎ ተግባር ፖሊስ ዝኹነን’ዩ ኢሎም ገሊፆምዎ ቀ/ሚ ኡጋንዳ ዝነበሩን ሎሚ ኣብ ደምበ ተቃውሞ ዝተሰለፉን ኣማማ ምባባዚ። መንግስቲ ኡጋንዳ፣ንሰላማዊያን ሰባት የከላብት አሎ ሓይሊ ፖሊስ ኣደብ ንክገዝእ ስጉምቲ ክውሰድ አለዎ’ውን ኢሎም።
ኣብ’ዚ ምስሕሓብ’ዚ ተፀሚዱ ዝዋዓለ ሕገ-መንግስታዊ ቤት-ፍርዲ ሎሚ ሶኒ ኣብ ዘሕለፎ ብይን ‘ሰብኣዊ መሰላት ዝግህሱ ኣባላት ፖሊስን ካልኦት ኣካላትን ተሓተቲ ክኾኑ’ዮም’ ኢሉ’ሎ።
