ምኽትል ፕሬዝዳንት ማይክ ፔንስ መን እዮም?

ማይክ ፔንስ ካብ ማእኸላይ ምዕራብ ክፋል ኣሜሪካ ዝመፁ ፅኑዕ መርገፂ ዓቃባዊያን ዘለዎም እዮም።

"ፅቡቕ ገይሮም ዘለሉዩኒ ሰባት መን ምዃነይ ይፈልጡ እዮም’" ይብሉ ፔንስ ኣስዒቦም ድማ "ብዙሕ ዝተሓላለኸ ስብእና እውን ዘይብለይ ሰብ እየ።ቅድም ክርስቲያን፤ካብኡ ዓቃባዊን ሪፓብሊካዊን እየ።ብቕደም ስዓብ ከምኡ እየ ዝግለፅ’’ይብሉ።

ፔንስ ኣብ ዝመፁላ ክፍለ ግዝኣት ኢንዲያና ቅቡላት ንዝኾኑ ክብርታት ዝለዓለ ክብሪ ዝህቡን ዝስዕቡን ክብሉ ኪግሎባል ኣብዝተብሃለ ናይ ኮንሳልታንት ትካል ዝሰርሑ ራንዲ ደክሊን ‘ጥቕልል ኣቢልካ ክርአ ከሎ መልእኽቶም ኣብ ኣወንታ ዝተመስረተን ዘበራብርን’ይብሉዎም።

ኣፈጉባኤ ቤት ምኽሪ ወክልቲ ኣሜሪካ ዝኾኑ ፖል ራይን እውን ንፔንስ ‘ክትኣምኖ ዝክኣለካ፣ውፉይን ዝእመኑን ካብ ምንቅስቓስ ዓቃባዊ ኣተሓሳስባ ካብ ኣሜሪካዊ ኣተሓሳስባ ዝቦቐሉ እዮም’ይብሉዎም።

ኣብ ክልተ ዘይዕዉት ውድድራት ምርጫ ድሕሪ ምስታፎም ኣብ መወዳእታ ኣብ 2000 ዓ.ም ንኢንዲያና ብምውካል ኣባል ቤት ምኽሪ ወከልቲ ህዝቢ ኣሜሪካ ኮይኖም።

ናይ ዋሽንግተን ዲስ ተመኩሮ እንተሃለዎም እውን መንግስቲ መልሲ ንናይ ኩሎም ፀገማት ህዝቢ እዩ ዝብል እምነት የብሎምን።

ፅኑዕ መርገፂታት ማይክ ፔንስ ኣብ ናይ ትራምፕ ምምሕዳር ሓላዊ ሚዛን ክኸውን ናይ ብዙሓት እምነት እዩ።